Madaxweynaha Koofur Galbeed Soomaaliya Shariif Xasan Sheekh Aadan oo gaaray magaalada Xudur

by mahad | Friday, Dec 12, 2014 | 1870 views

Madaxweynaha Maamulka Koofur Galbeed Shariif Xasan Sheikh Aadan iyo wafdi uu hogaaminayo ayaa maanta gaaray degmada Xudur ee Gobolka Bakool.

Booqashada Shariif Xasan oo ah tii ugu horeysay ee uu ku tago degmada Xudur tan iyo markii uu noqday madaxweynaha maamulka Koofur Galbeed ee Soomaaliya ayaa waxaa uu kulamo la yeeshay mas’uuliyinta degmada Xudur iyo odayaasha dhaqanka ee degmadaas.

Qaar ka mid ah mas’uuliyiinta la socota Shariif Xasan ayaa u sheegay saxaafaada in ay madaxweyaha Koofur Galbeed Soomaaliya iyo mas’uuliyiintii uu la kulmay ay ka wadahadleen sidii loo horumarin lahaa degmada Xudur isla markaana shacabka ku nool deegaanadaas u heli lahaayeen gargaar inkastoo wadooyinka soo gala magaaladaas ay xayiraad ku soo rogeen ururka Alshabaab.

Mas’uuliyiinta degmada Xudur iyo oday dhaqameedyadii uu la kulmay Shariif Xasan ayaa waxa ay ka codsadeen in maamulkiisa uu ka shaqeeyo sidii loo furi lahaa wadooyinka soo gala magaalada Xudur.

 

Like it? Share it!