Tuulo ku taal duleedka bari ee magaalada Jowhar oo la gubay
Tuulada Mayuungaale oo ku taal duleedka bari ee magaalada Jowhar ayaa xalay la gubay, iyadoo dhowr guryo ay ku bas beeleen dabkaas.
Sida ay sheegayaan wararka xiisado u dhaxeeya labo beelood oo beeraley ah ayaa maalmihii u dambeeyay ka taagnaa deegaano u dhow dhow magaalada Jowhar.
Inta la og yahay hal ruux ayaa ku dhaawacmay dabka la qabadsiiyay tuulada, kaasoo dhaawiciisa la sheegay inuu yahay mid culus.
Xiisadahan u dhaxeeya beelaha wada dega gobolka Shabellaha Dhexe ayaa ahaa mid horay u soo jiitameyay, inkastoo intii Al-Shabaab ka talinayeen magaalada Jowhar ku guuleysteen inay kala dhex galaan
Jimcihii la soo dhaafay ayay aheyd markii labo ruux lagu dilay deegaano u dhow dhow Jowhar, kuwaasoo ahaa dad lagu dhex dilay beerahooda.
Maamulka Gobolka Shabellaha Dhexe ayaa maalmihii la soo dhaafay ku howlanaa daminta xiisadaha u dhaxeeya dadkan beeraleyda ah.
