C/raxmaan Ceynte "Madaxda qaranka waxay ku guuleysteen inay kala fur furaan xildhibaanadi mooshinka waday"
Madaxa Machadka Heritage C/raxmaan Ceynte ayaa faah faahin ka bixiyay qaabkii ay ku timid in mudanayaasha baarlamaanka ay dib ula laabtaan mooshinkii ay ka keeneen Xukuumada uu hogaamiyo Ra'iisul Wasaare Saacid.
Mr Ceynte oo falanqeeya siyaasada Soomaaliya iyo mida geeska Afrika ayaa sheegay in madaxda ugu sareysa dowladda ay ku guuleysteen inay kala fur furaan mudanayaashi baarlamaanka ee mooshinka ka waday Xukuumada.
"Mooshinka waxaa la dhihii karaa wxaaa ka soo baxday in madaxda qaranka ku guuleysteen inay kala fur furaan mudanayaashii baarlamaanka ee mooshinka ka keenay Xukuumada"ayuu yiri C/raxmaan Ceynte oo wareysi siiyay Laanta afka Soomaaliya ee VOA.
Mar uu ka hadlay in qaababka loogu adeegsaday xildhibaanada in lagu kala fur furo ayuu xusay inay dhici karaan balanqaadyo loo sameeyay, taasna ay aheyd arrimo mar walba dhaca in jagooyin loo balan qaado sida uu yiri.
C/raxmaan Ceynte ayaa sheegay in hadii si kale loo fiiriyo aanan mooshinka fashilmin, isla markaana mudanayaasha la laabteen, waxaana uu xusay in wali uu taagan yahay shiishka mudanayaasha u saaran Xukuumada.
"Hadii laga fiiriyo dhanka kale maadaama mooshinka lala laabtay ee aanu fashilmin, wali baacsigi baarlamaanka ee Xukuumada ku hayeen shiishkiisa abaaraha u saaran yahay, waxaa ay awood u leeyihiin inay muddo bil gudahood mooshin noocaan oo kale ka keeni karaan"ayuu yiri Mr Ceynte.
Waxaa uu sheegay in dhaqankan baarlamaanka uu ahaa mid sideedii sano ee la soo dhaafay soo jiray iyo intii Ra'iisul Wasaarayaasha KMG soo jireen, isla markaana aanay dhicin Ra'iisul Wasaare labo sano xilka hayay, maadaama ay u imaanayeen mooshin xildhibaanada ka keenayeen.
Ugu dambeyn Mr Ceynte ayaa sheegay inay adag tahay in la odoraso sida ay wax u dhici kareen, hase ahaatee madaxda dowladda laga yaabo inay arrintan wax ka bedelaan.
