"Waxaa jira maleeshiyood madax banaan oo aanay cidna ka amar qaadan oo isbaarooyin dhiganaya, kuwaas si adag ula dagaalameynaa"ayuu yiri Tarsan oo la hadlay warbaahinta maxaliga ah.
Sidoo kale Gudoomiye Tarsan ayaa sheegay in kooxaha ku labisan dareyska ciidamada ay suuqa ka soo iibsadaan, ayna isu ekeysiiyaan ciidamada, waxaana uu carabka ku adkeeyay in dhowaan tallaabo ka qaadi doonaan.
Mr Tarsan ayaa sheegay in magaalada ay isu furi doonaan, ciidamo amniga ka shaqeynaya ka howl galayaan, isagoo xusay in aanu raali ka aheyn in jidadka la xiro.
Maamulka Gobolka Banaadir ayaa dhowr jeer ku cel celiyay inay jiraan kooxo ku labisan dareyska ciidamada oo aan cidna ka amar qaadan oo dhibaatooyin u geysta shacabka.
