Faah Faahin ka soo baxaya dilka Taliyihii Sirdoonka Somaliland ee Gobolka Sool

Kooxo Hubeysan ayaa xalay koofurta magaalada Laascaanood ku dilay Taliyihii Sirdoonka Somaliland ee Gobolka Sool, iyadoo kooxihii dilka geystay ay baxsadeen.

Sida wararku sheegayaan Taliyaha ayaa la dilay xilli uu ka soo baxay salaadii cishaha, meel ku dhow gurigiisana lagu dilay.

Taliyaha Booliska Gobolka Sool Axmed C/llaahi Cabdi ayaa sheegay in howlgal ay sameeyeen dad laga shakisan yahay la soo qabtay, isla markaana baaritaano ay socdaan.

Waxaa uu Taliyaha sheegay in saddex ruux oo lagu tuhmayo dilkaas gacanta ku hayaan, ayna ku wareejinayaan hey’adaha cadaaladda.

Dhowaan ayay aheyd markii qarax gaarigiisa loogu xiray lagu dilau Guddoomiyihii Maxkamadda Gobolka Sool.