Ciidamada Amniga oo gacanta ku dhigay Nin miino aasayay

Wararka ka imaanaya deegaanka Janaale ee Gobolka Shabeellaha Hoose ayaa sheegaya in Ciidamada Amniga ay gacanta ku dhigeen nin Miino aasayay, xilli ciidamadu wadeen howlgal miino baaris ah.

Ciidamada Amniga ayaa sheegay intii ay howlgalka ku jireen ay gacanta ku dhigeen nin dhalinyaro ah oo miino ku aasayay wadada soo gasha deegaanka Janaale.

Saraakiisha Ciidamada ayaa sheegay in shaqsiga la soo qabtay ay ku wareejin doonaan maxkamadda ciidamada, si sharciga loola tiigsado.

Sidoo kale saraakiisha ayaa sheegay in ninkan uu doonayay inuu miinada uu aasayay ku dhibaateeyo shacabka.

Ciidamada Milateriga ayaa tan iyo markii ay la wareegeen deegaanka Janaale waxay wadeen howlgalo miino baaris ah, waxaana dhowr jeer lala eegtay qaraxyo miino, kuwa kalena waa ay ka hortageen.