Dadka uu soo ritey cudurka Coronavirus dalka Soomaaliya oo ku dhow sagaal boqol oo ruux

Wasaaradda caafimaadka xukuumadda federaalka Soomaaliya ayaa sheegtay in la diiwaan geliyay 38 xaalado cusub oo COVID-19 ah. 12 qofood ayaa ka bogsootay cudurka hal ruux ayaana u geeriyooday.

Wasiirka Caafimaadka iyo Daryeelka Bulshada XFS, Marwo Fowziya Abiikar Nuur ayaa caddeysay in xaaladaha cusub laga diiwaan geliyay gobalka Banaadir (35) iyo Somaliland, (3). 30 kamid ah bukaannada la xaqiijiyay waa rag 8-nna waa haween.

Tirada xaaladaha COVID-19 ee xaaladaha COVID-19 ee dalka laga diiwaan gelisay ayaa gaartay 873 waxaa bogsootay 87 Ruux. 39 ruux oo kale ayaa u geeriyooday.

Dad kabadan 3.6 million oo ruux ayuu cudurkan ku dhacay caalamka oo idil,waxaana la xaqiijiyay inay u geeriyoodeen dad ku dhow 257,000 oo ruux halka ay ka bogsadeen 1.2 malyan oo ruux.