Ganacsade xalay lagu dilay Muqdisho iyo wararkii ugu dambeeyay

Faah faahin ayaa ka soo baxaya Kooxo hubeysan oo xalay degmada Hodan ku dilay Ganacsade caan ka ahaa degmadaas, iyadoo kooxdii dilka ka dambeysay ay goobta ka baxsadeen.

Ganacsadaha la dilay ayaa lagu magacaabayay Cali Barkhadle, iyadoo kooxdii dilka ka dambeysay ay horay u qaateen Mobile-ka uu sitay.

Marxuumkan la dilay ayaa la sheegay inuu ahaa Ganacsade dalka keena baabuurta, isla markaana ka mid ahaa ganacsadaha ugu waa weyn ee baabuurta ka ganacsata.

Lama oga ujeedka ka dambeysa dilkiisa, waxaana ciidanka Booliska oo xalay gaaray goobta dilka uu ka dhacay waxay bilaabeen howlgallo lagu baadigoobayo dadkii ka dambeeyay dilka.