Madaxweynayaasha Maamulada Galmudug,Hirshabelle iyo Koofurgalbeed oo soo dhoweeyay Shirkii Garowe

Madaxweynayaasha Maamul Goboleedyada Galmudug Axmed Qoor-qoor,Hirshabelle Maxamed Cabdi Waare iyo Koofurgalbeed Cabdicasiis Laftagareen ayaa soo dhoweeyay go’aanadii ka soo baxay shirkii Garowe ay ku yeesheen madaxda maamul goboleedyada Jubbaland iyo Puntland.

Shir dhinaca Taleefanka ah oo saddex Madaxweyne maanta yeesheen ayay sidoo kale ku soo dhoweeyeen in shir u dhexeeya madaxda Puntland,Jubbaland iyo dowlada Dhexe ka dhaco Muqdisho.

War Saxaafadeed ay si wadajir ah saddexdan Madaxweyne u soo saareen ayay ku sheegeen inay diyaar u yihiin inay fikirkooda ku biiriyaan sidii xal loogaga gaari lahaa khilaafyada dhinaca siyaasada ah ee jira.