Masar ayaa ku biiri doonta Koonfur Afrika dacwadda xasuuqa ee ICJ ee ka dhanka ah Israel

May 12 (Jowhar.com)-Masar ayaa sheegtay inay si rasmi ah ugu biiri doonto dacwadda ay Koonfur Afrika ka gudbisay Israa’iil ee ka dhanka ah maxkamadda caalamiga ah ee caddaaladda taasoo ku eedaysay Israa’iil inay ku xad-gudbi doonto waajibaadka ka saaran heshiiska xasuuqa ee marinka Gaza.

Warbixin ay soo saartay Wasaaradda Arrimaha Dibadda Masar, ayaa waxay ku sheegtay in tallaabadan ay ku timid, iyadoo ay sii kordhayso xadgudubyada Israel ay ku hayso rayidka Falastiin.

“[Waxay] ku timaad darnaanta sii xumaanaysa iyo baaxadda weerarrada Israel ee ka dhanka ah rayidka Falastiiniyiinta ee Marinka Gaza, iyo sii wadida ku-dhaqanka hab-dhaqannada habaysan ee ka dhanka ah dadka Falastiiniyiinta, oo ay ku jiraan beegsiga tooska ah ee rayidka ah iyo burburinta kaabayaasha Marinka, iyo ku riixida Falastiiniyiinta inay cararaan,” ayay wasaaraddu tiri.

Masar waxa ay sheegtay in ay ugu baaqayso Israa’iil in ay u hoggaansanto waajibaadkeeda sida awoodda la wareegaysa iyo in ay fuliso tallaabooyinka ku meel gaadhka ah ee ay soo saartay maxkamadda ICJ, kuwaas oo u baahan in la xaqiijiyo helitaanka gargaarka bini’aadantinimo iyo gargaarka si waafaqsan baahida Falastiiniyiinta ee Marinka Gaza.

Waxa ay sidoo kale dalbaneysaa in ciidamada Israel aysan geysan wax xadgudub ah oo ka dhan ah dadka reer Falastiin.

Bayaanka, Masar waxay dib u cusbooneysiisay baaqii Golaha Ammaanka ee Qaramada Midoobay iyo dhinacyada caalamiga ah inay si degdeg ah u qaadaan tallaabo lagu gaarayo xabbad-joojin ka dhacda marinka Gaza iyo in la joojiyo hawlgallada militari ee Rafah, iyo sidoo kale in la bixiyo ilaalinta lagama maarmaanka ah ee rayidka Falastiin.

This website uses cookies to improve your experience. We'll assume you're ok with this, but you can opt-out if you wish. Accept Read More