Booliska Beledweyne oo ka warbixiyay sababta loo joojiyay Banaanbax ka dhici lahaa Beledweyne

Booliska-696x522-1

 

Taliska Booliska Magaalada Beledweyne ayaa waxaa ay faah fahin ka bixiyeen sababaha keenay inay joojiyaan banaanbax ay dadka reer Beledweyne ku muujinayeen sida ay uga soo horjeedaan habka lagu wado dhismaha Hir-Shabelle.
Taliyaha Saldhiga Booliska Beledweyne laba Xidigle Maxamed Maxamuud Qoorsheel ayaa sheegay in aan magaalada Baladweyne lagu qaban karin banaabax aan laamaha Amaanka ka war qabin laguna soo wargelin.
Shir Jaraa’id uu Warbaahinta ugu qabtay Magaalada Beledweyne ayuu ku sheegay taliyaha in ay talaabo ka qaadi doonan cid kasta oo banaanbax aan la ogeyn ku qabata magaalada.
Banaanbax loogaga soo horjeedo hanaanka dhismaha maamul u sameynta Hirshabelle ayaa shalay ka dhacay magaalada Jalalaqsi.
Waxaa jira weli khilaaf ku saabsan dhismaha maamulka Hirshabelle iyadoo mid kamid ah beelaha ugu waaweyn Hirshabelle ay ka soo horjeedo habka loo marayo hannaanka dhismaha Maamulka Hirshabelle.