Farmaajo oo markii afaraad shir ku baaqay, kaddib 8 February

President Farmajo accuses foreign countries of interfering in elections
President Farmajo accuses foreign countries of interfering in elections

Madaxweynaha muddo xileedkiisa dhamaaday Maxamed C/llaahi Farmaajo ayaa 22-ka Maarso 2021 ku baaqay shir lagu dhammeystirayo dadaalladii iyo wada xaajoodyadii arrimaha doorashooyinka ee u dhaxeeyey Dowladda Federaalka Soomaaliya, Dowlad Goboleedyada iyo Maamulka Gobolka Banaadir.

Shirkan oo labo maalmood soconaya waxaa looga gol leeyahay in lagu soo gabagabeeyo talooyinkii Guddiga Farsamada Doorashada ee ka soobaxay shirkii Baydhabo 15-16 Febaraayo 2021, kaas oo xal looga gaaray tabashooyinkii ka soo laabtay heshiiskii doorashooyinka ee 17-kii Sebteembar 2020.

Madaxweyne Farmaajo ayaa ku boorriyay Madaxweyneyaasha Dowlad Goboleedyada iyo Guddoomiyaha Gobolka Banaadir in ay ahmiyad wayn siiyaan shirkan lagu dhammeystirayo tabashooyinkii kasoo laabtay heshiiskii doorashooyinka si dalka loogu jiheeyo doorasho xor iyo xalaal ah.

Waa markii afaraad oo Madaxweyne Farmaajo uu shir ku baaqo, kaddib markii uu muddo xileedkiisa dhammaaday 8 February.