Diyaaradaha Israa’il oo duqeeyay xerada Qaxootiga Jabaliya ee Qaza
Oct 31 (Jowhar.com)- Dhimasho iyo dhaawac faro badan ayaa laga soo sheegayaa xerada qaxootiga ee Jabalia ee waqooyiga Gaza,kadib markii diyaaradaha dagaalka Israa’iil ay duqeeyeen.
Wasaaradda caafimaadka ee Xamaas ay maamusho, iyo agaasimaha isbitaalka Indonesia ee ku dhow, halkaas ayaa sheegay in ugu yaraan 50 qof la dilay. Wasaaraddu waxay sheegtay in qaraxa uu ka dhashay duqayn dhinaca cirka ah oo ay Israa’iil ka geysatay.
Jabalia waxay ku taallaa waqooyiga magaalada Gaza, xerada Jabalia waa tan ugu weyn siddeedda xero qaxooti ee Gaza.
In ka badan 116,000 oo Qaxooti falastiiniyiin ah ayaa Qaramada Midoobay halkaas ka diwaan galisay bishii Luulyo 2023.
Qaxootigu waxay bilaabeen inay degaan xerada ka dib dagaalkii 1948-kii. Waa dhul yar laakiin dadku ku badan yihiin, kaliya waxay daboolaysaa 1.4 km², waxayna inta badan ka kooban tahay dhismayaal la deggan yahay.
Bartilmaameedka kale ee duqeymaha Israa’iil ee maanta ayaa ahaa xerada qaxootiga ee al-Shati ee ku taal xeebta magaalada Gaza.
Ugu yaraan 10 qof ayaa lagu dilay weerarka oo lagu qaaday guri ku yaala xeradaasi, sida ay ilo maxalli ah u sheegeen wakaalada wararka Falastiin ee WAFA.
Warar goos goos ah oo ku saabsan dagaalka Qaza
Xuutiyiinta Yemen – boqollaal mayl koonfur-bari ka xigta Israa’iil – waxay xaqiijinayaan inay horeba “tiro badan” oo gantaallo ballistic ah iyo diyaaradaha aan duuliyaha lahayn u direen Israa’iil.
Dhawaaqa dayuuradaha ayaa laga maqlay magaalada Eilat ee koonfurta Israa’iil maanta ka dib markii ay soo galeen diyaaradaha aan duuliyaha lahayn.
Af hayeenka militariga Xuutiyiinta Yahya Saree ayaa hadal laga sii daayay taleefishinka ku sheegay in uu yahay howlgalkoodii saddexaad oo ay ku bartilmaameedsanayaan Israa’iil in kalena ay xigi doonaan.
“Xoogagga Xuutiyiinta waxay sii wadi doonaan fulinta howlgallada gaarka ah ilaa ay ka dhammaanayaan gardarrada Israa’iil”, ayuu yiri Saree.
Ra’iisul wasaaraha Masar ayaa diiday qorshe kasta oo dadka ka barakacay Qaza lagu doonayo in si ballaaran loogu raro gacanka Siinaay ee Masar.
Warbaahinta maxaliga ah ee Israa’iil ayaa ku warrantay in qaar ka mid ah saraakiisha Israa’iil ay doonayaan in dadka rayidka ah laga raro Qaza oo la geeyo waqooyi bari Masar.
Iyada oo la xiray marinnada Israa’iil ee marinka Gaza, marinka Rafah ee ay Masar maamusho waa waddada keliya ee suurtagalka ah ee ay dadka rayidka ah uga bixi karaan Gaza.
Xoghayaha Arimaha Dibada MaraykankaAntony Blinken wuu dhamayn kari waayay hadalkiisii hordhaca ahaa ee uu u jeedinayay Aqalka Kongreska. iyada oo ay hakiyeen illaa siddeed jeer dad mudaaharaadayay kuwaasoo ku ku dhawaaqayeen “xabad joojinta Gaza” iyo “badbaadiya carruurta Gaza” waxayna kor u qaadeen gacmahooda rinji guduud ama casaan la soo mariyay.
Dhageysigan kaliya kuma ekayn kaalmada Ukraine, sidoo kale waxay ahayd ilaa 14 bilyan oo doolar oo gargaar ah oo loogu talagalay Israel in Aqalka Cad uu weydiistay Congress-ka inuu ansixiyo.
Blinken, oo uu weheliyo Xoghayaha Difaaca Austin, ayaa doorka ku lahaa dhageysigan oo la doonayay in looga dhaadhiciyo senatarrada si loo siiyo Aqalka Cad waxa uu rabo.
Ugu yaraan 8,525 Falastiiniyiin ah ayaa lagu dilay Gaza weerarrada Israel tan iyo 7-dii October. In ka badan 1,400 oo qof ayaa lagu dilay Israa’iil.
duqeynta xerada qaxootiga Jabaliya
Prev 1 of 5 Next
