Shirkadaha diyaaradaha Turkiga,Ethiopia iyo Uganda oo hakiyay duulimaadyada Muqdisho

Shirkadda duulimaadyada Turkish Airline , Ethiopian Airlines iyo Uganda Airlines ayaa hakiyay duulimaadyadiui ay maanta ku iman lahaayeen garoonka diyaaradaha Aadan Cadde ee magaalada Muqdisho.

Wararka ayaa waxa ay sheegayaan in rakaabkii goostay tikidhada lagu wargaliyay in la hakiyay duulimaadyadii Muqdisho, waxaana hakinta duulimaadyada sabab looga dhigay qalalaasihii shalay ka dhacay Muqdisho.

Qaar kamid ah Shirkadaha diyaaradaha Caalamiga ayaana ka cabsi qaba in amaanka caasimada faraha ka baxo gaar ahaan garoonka diyaaradaha Aadan Cadde oo meelo aan ka fogeyn degan yihiin inta badan Midowga Musharaxiinta waxaana shalay ku dhacay madfac gudaha garoonka diyaaradaha magaalada Muqdisho.