Tirada dadka uu soo ridanayo dalka Soomaaliya cudurka Covid-19 oo korortay

Wasaaradda Caafimaadka Xukuumadda Federaalka ayaa sheegtay in uu sare u kac ku yimid dadka uu soo ridanayo cudurka Covid-19.

Warbixin ay soo saartay Wasaaradda Caafimaadka ayaa lagu sheegay in 48-dii saac ee lasoo dhaafay Cudurka COVID-19 laga helay 58 qof, kuwaasi oo baaritaano Caafimaad lagu sameeyay, kadibna laga helay Cudurka.

Illaa 58 ruux ayaa laga helay cudurka Covid-19 iyadoo 35 kamid ah ay ku sugan yihiin Gobolka Banaadir, 14 Somaliland, 10 Puntland, dadkan ayaa 45 kamid ah waxa ay yihiin rag, halka 13 kalena ay yihiin Dumar.

Wasaaradda Caafimaadka Xukuumadda Federaalka ayaa sidoo kale waxa ay sheegtay in saacadihii lasoo dhaafay cudurka ay u dhinteen 2 ruux halka 13 kale ay ka bogsadeen.

Tirada guud ee kiisaska laga diiwaan-geliyay Cudurka Coronavirus ee dalka Soomaaliya ayaa waxa ay gaartay 4,920 ruux, iyadoo 136 qof ay u geeriyoodeen cudurkan Covid-19.