Madaxweynaha Soomaaliya Maxamed C/llaahi Farmaajo oo ka mid ah Madaxda Afrika ee ka qeyb galaya shirka Madasha Iskaashiga ee Afrika iyo Ruushka ayaa kulan is arag kooban la qaatay Madaxweynaha Ruushka Vladamir Putin.

Kulankan is aragga ayaa ahaa soo dhoweynta Madaxweynaha Ruushka Putin u sameynayay madaxda Afrika ka socota, isagoo istaagga ku qaabilay mid mid walba.

Madaxweyne Farmaajo ayaa sidoo kale xalay ka qeyb galay Casho sharaf uu ku maamuusay Madaxweynaha Ruushka dhammaan Madaxda ka qeyb gashay shirka Madasha Iskaashiga Ruushka iyo Afrika.

Ruushka ayaa ku dhawaaqay inuu ka cafiyay qaaradda Afrika deyntii uu ku lahaa, tan oo jid cusub u fureysa xiriir qoto dheer oo iskaashi uu Ruushka la sameysto Afrika.