Musharaxa Madaxweynaha Galmudug C/raxmaan Maxamed Xuseen (Odawaa) ayaa galabta gaaray magaalada Dhuusamareeb, halkaasoo si weyn loogu soo dhoweeyay.

Musharax Odawaa ayaa waxaa garoonka diyaaradaha Dhuusamareeb waxaa ku soo dhoweeyay Xildhibaano ka tirsan Baarlamaanka iyo qeybaha kala duwan ee bulshada.

C/raxmaan Odawaa ayaa uga mahadceliyay dadweynihii ku soo dhoweeyay Dhuusamareeb, waxaana uu sheegay in geeddiga sacdaalkiisa caasimada Galmudug ee Dhuusamareeb uu yahay bilowga dhismaha Galmudug mid ah oo loo dhan yahay.

Musharax C/raxmaan Odawaa ayaa ah Musharax aad loogu saadaalinayo xilka Madaxweynaha Galmudug, iyadoo sahan codeyn laga sameeyay Baraha Bulshada uu ku noqday Musharaxa ugu shacbiyada badan.