Taliska Guud ee Ciidamada Nabadgelyada Wadooyinka oo la daahfuray

June 07(Jowhar.com)- Wasiirka Amniga Gudaha XFS Mudane Cabdullaahi Sheekh Ismaaciil (Fartaag) ayaa ka qeyb galay munaasabad lagu daahfuray dib-u-dhiska iyo casriyeynta lagu sameeyey taliska qeybta guud ee ciidanka Nabad-gelyada waddooyinka (Traffic).

Munaasabaddaan ayaa waxaa sidoo kale ka qeyb galay Taliyaha ciidanka Booliska Soomaaliyeed, Guddoomiye ku-xigeenka Amniga iyo Siyaasadda maamulka gobolka Banaadir, saraakiil iyo masuuliyiin kala duwan.

Wasiirka ayaa sheegay in dib-u-dhiska iyo horumarinta lagu sameeyey qeybta guud ee ciidanka Nabadgelyada waddooyinku ay kaalin weyn ka qaadan doonto adeegyada ay u baahan yihiin shacabka,gaar ahaan badqabka dadka iyo gawaarida ku safra waddooyinka.

Toddobaaydadii la soo dhaafay ayaa waxaa magaalada Muqdisho ka howlgalayay ciidamada loo yaqaan Taraafikada kuwaasoo dhawaan ku soo biirey ciidamada.

This website uses cookies to improve your experience. We'll assume you're ok with this, but you can opt-out if you wish. Accept Read More