Madaxweynaha Jubbaland Axmed Maxamed Islaam (Axmed Madoobe) oo maanta ka qeyb galayay furitaanka shirka Dib u eegista Dastuurka oo maanta ka dhacay magaalada Kismaayo ayaa sheegay jahwareerka ugu badan ee dalka ka jira uu yahay Dastuurka oo aan weli heshiis dhab ah laga gaarin.

Axmed Madoobe ayaa sheegay in dastuurka uu yahay wax dad ku heshiiyay oo bulsho ku dhaqanto, balse dastuurka qabyada uu weli yahay mashruuc aan dhamaan oo marba qolo ay meel u wadato.

“Dastuurka wuxuu noqdya mashruuc aan dhammaan oo marba meel qolo u wadato wey adag tahay in dowladnimada sal dhigato inay wax ku heshiiso waa adag tahay in is qabqabsiga la daayana waa adkaaneysa, inta Dastuurka uu qabyo yahay sidaas baa dabada isku heysaneynaa, haddaan runta la sheegay oo heshiis dhab ah laga gaarin”ayuu yiri Axmed Madoobe.

Sidoo kale waxaa uu sheegay in weli la isku haayo qodobada qaar ee Dastuurka, isla markaana dowladda dhexe iyo dowlad Goboleedyada is hayaan, sida awoodaha sida loo kala leeyahay illaa iyo hadda aan lagu heshiin,

“Haddaan wax dhab ah la helin oo aan la dhameystirin Dastuurka oo wax bulshada ku heshiiso la helin is qabqabsiga ma deyneyno”ayuu yiri Axmed Madoobe.

Halkan hoose ka daawo Khudbadda Axmed Madoobe

 

Madaxweynaha Dowlad Goboleedka Jubbaland Mudane Axmed Maxame Islaam oo maanta daah furey Shirka dib u eegista Dastuurka KMG ah ee Soomaaliya Madaxweynaha ayaa yiri "Dastuur waa Heshiis Bulsho ay ku dhaqanto, maanta jawhareerka ugu badan ee Soomaaliya ka jirana waa Dastuurka oo aan dhamaystirnayn"

PubliƩe par Jubbaland TV sur Dimanche 7 avril 2019