Madaxweynaha Maamul Goboleedka Hirshabelle Maxamed Cabdi Waare oo caawa shir jaraa’id ku qabtay magaalada Beledweyne ayaa wacad ku maray cid kastaa oo ka dambeysay dilka Taliyihii Qeybta Boliiska Gobolka Gobolka Hiiraan Cor Maxamed Mocow in la marsiin doono cadaaladda.

Madaxweynaha oo ka tacsiyeynayay geerida Allaha u naxariistee marxuum Maxamed Mocow, ayaa qoyska taliyaha iyo Guud ahaan Reer Beledweyne ugu baaqay in ay isdejiyaan oo muujiyaan xasilooni waxaana uu u balanqaaday in cadaalad ay heli doonaan.

Madaxweynaha Hirshabelle Maxamed Cabdi Waare  ayaa shirkiisa jaraa’id ku sheegay in Guddiga Dowladda Federaalka ay magacowday iyo Guddi Wasiira ah uu magacaabay baaritaan dhab ah ay ka sameyn doonaan kiiskani cidii fulisay, cidii amartay, iyo ujeedada laga lahaa ayna ka soo bixi doonaan xaqiiqda dhabta, waxaana madaxweynaha uu xusay in uusan ka hor dhaceynin baaritaanka.

Madaxweyne Waare ayaa dib ugu laabtay gelinkii dambe ee Arbacadii magaalada Beledweyne isagoo ka soo kicitimay magaalada Nairobi waxaana socda dadaalo badan oo lagu doonayo in xal loogaga gaaro xiisada ka jirta magaalada Beledweyne.

Halkan hoose ka daawo Madaxweynaha Hirshabelle oo shir jaraa’id ku qabtay Beledweyne;