Israel oo sheegtay in ay qaadan karto todobaadyo in si buuxda loo baaro cisbitaalka Al-Shifa

Nov 17 (Jowhar.com)-Wax yar ka hor, afhayeenka milatariga Israa’iil, Lt Col Jonathan Conricus ayaa la hadlay barnaamijka BBC Radio 4’s World at One, iyadoo uu socdo hawlgalka isbitaalka Al-Shifa.

Conricus waxa uu sheegay in Ciidamada Difaaca Israel (IDF) ay ka shaqaynayaan in ay “si sax ah u soo bandhigaan inta ay le’eg tahay” waxa ay ku andacoonayaan in ay tahay shabakada Xamaas ee ka hoos jirto cisbitaalka magaalada Gaza – laakiin waxa uu muujiyay in tani ay qaadan karto “dhowr toddobaad”.

Xamaas ayaa diiday in leedahay xarun milatari oo ku hoos jirta Cusbitaalka.

Habeenimadii xalay, Ciidamada Israel waxay u ogolaatay weriyaha BBC Lucy Williamson gudaha Al-Shifa – waxayna tuseen alaab ay sheegeen inay Xamaas leedahay, oo ay ku jiraan hub iyo hanti kale.

IDF weli ma muujinayso caddaynta saldhigga Xamaas ama dhisme tunnel oo hoos mara isbitaalka.

Si kastaba ha ahaatee, Conricus wuxuu leeyahay: “Weli ma baarin cisbitaalka oo dhan oo xitaa ma dhowa.”

Kaabayaal kasta oo dhulka hoostiisa ah, wuxuu yriri: “Waxaan awoodi doonaa inaan qiimeyno waxaana rajeyneynaa inaan idina la wadaagno xoogaa muuqaal ah.”