Saddex maxbuus oo loo haysto dambiyo argagaxiso oo ka baxsaday xabsi ku yaal Kenya
Saddex maxbuus oo loo haysto dambiyo argagixiso ayaa ka baxsaday xabsiga Kamiti ee sida weyn loo ilaaliyo kuna yaal magaalada Wajeer.
Sida lagu daabacay wargeyska Star ee dalka Kenya,Dowlada Kenya ayaa dul dhigtey mid walba oo ka mid ah saddexdan baxsadka ah min 20 milyan oo shilinka Kenya ah.
Booliiska ayaa Isniintii sheegay in saddexda qof uu ku jiro Maxamed Cali Bikar oo qayb ka ahaa dagaalamayaashii fuliyay weerarkii Jaamacadda Gaarisa 2015-kii.
Labada kale ayaa kala ah Joseph Juma Odhiambo oo loo yaqaan Yuusuf iyo Masharaf Abdallah Akhulunga oo loo yaqaanno Zarkawi.
Masharaf ayaa la xiray Sebtembar 30, 2012, ka dib markii uu ka qeyb qaatay isku daygii la rabay in lagu fuliyo weerar argagixisanimo oo lala beegsaday Xarumaha Baarlamaanka.
“Waxaa lagu soo oogay inuu haysto walxaha qarxa, rasaas iyo hub,” ayay boolisku sheegeen, kaasoo lagu xukumay xabsi daa’in.
Waxa uu ka soo jeedaa degaanka Ekero ee Mumias ee gobolka Kakamega. Odhiambo, oo ka soo jeeda Lukoye ayaa ka soo jeeda Mumias, booliisku waxay sheegeen inay ku xireen 21-kii November, 2019, magaalada Buula Xaawo ee Soomaaliya, xilli uu u socday in uu ka mid noqdo dagaalyahannada Al Shabaab.
Tan waxay ku soo beegmaysaa wax kayar hal usbuuc tan iyo markii ay booliisku ku dhawaaqeen in ilaa shan argagixiso oo hubaysan oo khatar ah oo uu ku jiro dembiilaha argagixisada ee la waayay Elgiva Bwire ay baxsadeen oo ay baxsadeen. Iyadoo Midkiiba 10 milyan oo shilinka dalka Kenya ah madaxooda la dul dhigay.
