Diiwaan gelinta musharixiinta madaxweyne oo maanta ka bilaabaneyso Muqdisho
May 08 (Jowhar.com)–Guddiga isku dhafka ah ee golaha shacabka iyo Aqalka Sare ayaa maanta magaalada Muqdisho ka bilaabayo diiwaan gelinta musharixiinta u taagan xilka madaxtinimo ee Soomaaliya, iyadoo la soo bandhigay shuruudaha laga rabo musharaxa madaxweyne.
Diiwaan gelinta musharixiinta ayaa socon doonta ilaa 10-ka bishan oo ku beegan maalinimada Talaadada ah, waxeyna guddiga shalay soo bandhiggeen sawirrada goobta ay ka dhaceyso diiwaan gelinta oo ah xarunta golaha Aqalka Sare ee baarlamaanka Soomaaliya.
Musharaxa u taagan xilka madaxweynaha waxaa laga doonayaa inuu bxiyo lacag $40,000 (Afartan Kun oo Doolar) iyo inuu heysto saxiixa 20 xildhibaan oo taageersan musharaxnimadiisa, sida ay shacaiyeen guddiga doorashada.
Maalinimada Axada ee todobaadka danbe oo taariikhdu tahay 15-ka bishan ayaa la qabanayaa doorashada oo ay u tartamayaan kudhowaad 20 musharax, iyadoo doorashadan ay ka adag tahay tii 20017, taasoo laga dheehan karo qiimaha codadka looga iibsanayo mudanayaasha