Madaxweyne Joe Biden oo turaanturooday kuna dhacay dhulka xaflad qalin jebin ah
June. 01 (Jowhar.com)-Madaxweynaha Mareykanka Joe Biden ayaa turaanturooday oo dhacay xilli uu shahaadooyin ku qeybinayay xaflad qalin jabin ah oo ka dhacday Akadeemiyada Ciidamada Cirka Mareykanka ee Colorado.
Mr Biden, oo ah 80 jir madaxweynihii ugu da’da weynaa ee dalka Maraykanka soo mara, ayaa la arkayay iyadoo ay caawinayaan saraakiisha ciidamada Cirka balse dib soo laabtay kursigiisii isagoo aan la caawin.
Related Posts
Madaxwaynuhu waxa uu taagnaa ku dhawaad saacad iyo bar si uu u gacan qaado mid kasta oo ka mid ah 921 arday oo qalin jabinaysay.
Muuqaal laga duubay dhacdada ayaa muujinaya Mr Biden oo u muuqda mid farta ku fiiqay boorsada ciidda ee masraxa ka dib markii uu dib ugu soo laabtay cagihiisa.
Madaxweynaha ayaa la arkayay isaga oo ku sii ordaya kolonyadiisa markii ay xafladdu soo gabagabowday wax yar ka dib markii uu dhacay.
