Somaliland oo sii deysay milkiikaha MMTV Maxamed Ilig iyo madaxii wararka HCTV.
July 02 (Jowhar.com)-Xukuumadda Somaliland ayaa xabsiga magaalada Hargeysa ka sii deysay laba suxufi oo u xirnaa mudo saddex bilood ah, iyadoo dadaalada sii deyntooda ay socotay maalmihii la soo dhaafay.
Labada Suxufi ee la sii daayay oo kala ah mulkiilaha Telefiishanka MMTV Maxamed Cabdi Sheekh ( Ilig) iyo madaxii wararka Telefiishanka HCTV Cabdijibaar Maxamed Xuseen ayaa u xirnaa kadib markii ay si toos ah u soo tabiyeen shaqaaqo dhawaan ka dhex dhacday gudaha xabsi ku yaala Hargeysa oo u dhexeyeyay maxaabiista iyo ciidankii ilaalinayay.
Maxkamadda gobolka Maroodi-jeex ayaa 23-kii May 2022 min hal sanno iyo afar bilood oo xabsi ah ku xukuntay Wariyeyaasha kala ah Maxamed Ilig iyo Cabdijibaar Maxamed, walow maanta ay dib u heleen xiriyadooda, waxaana jiray cadaadisyo ka imanayay beesha caalamka oo ku aadan in Muuse Biixi maamulkiisa uu joojiyo caburinta suxufiyiinta.
Si kastaba, Wariye/Samafale Cabdi Maalik Muuse Coldoon ayaa wali ku jira xabsi,kaasoo isla maalintaas lagu xukumay laba sanno oo xabsi ah iyo saddex Milyan oo lacagta Somaliland ah.