António Guterres oo soo dhaweeyay Howlgalka Midowga Afrika ee ATMIS
April 07 (Jowhar.com)- Xoghayaha guud ee Qaramada Midoobay António Guterres, ayaa soo dhoweeyay dhismaha cusub ee howlgalka Midowga Afrika ee Soomaaliya (ATMIS).
War uu soo saaray afhayeenka xoghayaha guud ee Qaramada Midoobay ayuu ku sheegay in António Guterres uu si buuxda u garab taagan yahay ATMIS iyo ciidamada ammaanka Soomaaliya ee dagaalka kula jira Al-Shabaab.
“Xoghayaha Guud waxa uu ku boorinayaa dhammaan bah-wadaagta la ah inay si degdeg ah u xaqiijiyaan maalgelin waara oo la saadaalin karo ee ATMIS-ka iyo dib-u-soo-saarka ciidamada amniga Soomaaliya si ay u taageeraan isbeddelka amniga ee dalka. Wuxuu rajeynayaa inuu si dhow ula shaqeeyo Midowga Afrika, Dowladda Federaalka ah ee Soomaaliya iyo dhammaan bah-wadaagta si ay u taageeraan in mas’uuliyadda amniga Soomaaliya si weji ah loogu wareejiyo ciidamada ammaanka Soomaaliya.”ayuu yiri afhayeenka Xoghayaha guud ee Qaramada Midoobay Stephane Dujarric.
Xoghayaha Guud ee Qaramada Midoobay ayaa ammaanay guulaha la taaban karo ee ciidamada Midowga Afrika ee AMISOM ay ka gaareen Soomaaliya 15-kii sano ee la soo dhaafay. Wuxuu u mahad-celiyay ciidamada AMISOM iyo booliiska dalalka ku deeqay sida ay uga go’an tahay horumarinta nabadda Soomaaliya, wuxuuna sharfayaa kuwa bixiyay naf hurnimada ugu dambeysa.
