Maxkamada ciidamada oo xukun ku ridey ajaaniib ka tirsanaa Alshabaab
Makamada darajada 1-aad ee Ciidamada Qalabka Sida ee dowladda Soomaaliya ayaa min 15-Sano oo Xabsi ciidan ah ku xukuntay, Daren Antonia Brnes oo u dhashay dalka Ingiriiska iyo Axmed Mustaqiim Cali oo kasoo jeeda wadanka Malaysia .
labadaan nin ayaa sida ay Maxkamaddu sheegtay loo heystaa kamid ahaansha kooxda ka dagaalanta Soomaaliya, iyagoo sifo sharci-darro ah dalka kusoo galay.
Labada nin oo uu kala dhashay waddamada Britan iyo Malaysia ayaa la sheegay inay ka qeybgaleen dagaallo maagaalooyin kala duwan ay ku gashay kooxda Al-shabaab, waxayna muddo sanad ah ku xirnaayeen magaalada Muqdisho.
Axmed Mustaqiim iyo Darren Anthony 18-kii bishii April 2019 ayey u gacan galeen maamulka Punland iyadoo dhowr bil ka dib labada Ajaanibta ah loo soo wareejiyay dowladda dhexe Soomaaliya.
