Maxkamadda Ciidamadda oo dil toogasho ku fulisay saddex Shabaab ah.
Oct. 31 (Jowhar.com) -Maxkamadda Ciudamada Qalabka sida ee Soomaaliya ayaa saaka oo Isniin ah fagaaraha Iskuul Bulusiya ee Magaalada Muqdisho waxaa ay xulunkii dilka toogashada ahaa kufulisay Saddex rag ah, kuwaas oo lagu helay Qaraxyo ay ku dileen Shacab & Masuuliyiin kale.
Raggaan oo lagu kala Magacaabi jiray Xasan Macalin Cali Barre (Boy) , Abtigiis Sayid Cali Aadan Nuur (Istiimoow) iyo Isaaq Keerow Aadan, kuwaas oo Maxkamadda Ciidamada ay xukunka dilka toogashada ah kuriday Bishii December ee sanadkii 2019-kii.
Xasan Macalin Cali Barre (Boy) ayaa sigaar ah loogu helay in uu wade ka ahaa Gaari qarax siday oo ku qarxay Suuqa Xaafada Kaawa Godeey ee degmada Wadajir, kaas oo ay ku dhinteen dad ka badan 12 Ruux tiro kalena ay ku dhaawacmeen, halka Isaaq Keerow Aadan lagu helay in uu qeyb ka geystay dilal qorsheysan & weeraro ka dhacay Gobolada, Shabeellaha Hoose, Banaadir iyo Hiiraan.
Nuur Ibraahim Mahad-alle oo katirsanaa Ciidamada gaarka ah ee Booliska, balse sidà maxkamaddu sheegtay laga saaray kadib markii uu lunsaday Hub ay dowladdu laheyd, isla markaana uu intaasi kadib kubiiray Al-Shabaab, isaga oo ka dambeeyay qarixii lagu dilay guddoomiye kuxigeenkii Amniga degmada Maxaas, waxaana xukunka dilka toogashada ah lagu riday 30-kii Bishii Octoober ee sanadkii 2019-kii.
Maxkamadda ciidamadda ayaa bishan kaliya toogatay 4 Shabaab ah, iyadoo inta sanadan aanu dhamaan qorshaha yahay in la toogto ilaa 22 Shabaab ah oo hore xukuno dil toogasho ah loogu riday.
