Ruushka oo gantaalo ku garaacay magaalada Kyiv
June 26 (Jowhar.com)-Ruushka ayaa ku dhuftay warshad gantaallada ee Kyiv: wasaaradda gaashaandhigga, waxana uu Ruushka sheegay in duqeyntii ay aroornimadii hore ee saakay ku qaadeen caasimadda Ukraine ee Kyiv uu ku dhacay warshad gantaallada sameysa.
Warshada Artyom waxay ahayd bartilmaameedka, sida kaabayaasha militariga wasaaradda difaaca ee Ruushka ayaa bayaan ay soo saartay ku sheegtay, iyadoo intaas ku dartay in burbur soo gaaray dhismo la deggan yahay oo u dhow uu sababay gantaalka difaaca cirka ee Ukraine.
Magaalada caasimadda ah ee Kyiv waxaa lagu garaacay ugu yaraan 14 gantaal oo Ruushku leeyahay subaxnimadii hore ee saaka – taasoo ah tii ugu adkeyd ee bilo ah, sida ay sheegeen saraakiisha maxalliga ah.
Ugu yaraan hal qof ayaa ku dhintay dhowr kalena waa ay ku dhaawacmeen kadib markii guri ka kooban sagaal dabaq lagu weeraray magaalada.
Dadka dhaawacmay waxaa ka mid ah gabar toddobo jir ah, taasoo laga soo saaray burburka.
Mid ka mid ah gantaalada Ruushka ayaa ku dhacay garoon caruurta ay ku ciyaarto oo faaruq ah.
Duqa magaalada Kyiv Vilaliy Klitschko ayaa sheegay in weeraradu ay ahaayeen isku day Moscow ay ku doonaysay inay ku cabsi geliso Ukraine
Sidoo kale waxaa jira weeraro habeen hore ka dhacay gobolka Kharkiv ee u dhow, halkaas oo ay saraakiishu sheegeen in in ka badan 4,000 oo guri ay ku burbureen tan iyo markii uu dagaalku billowday.
