Ururka Daalibaan oo maanta ku dhawaaqaya dhismaha dowlad cusub

Taliban ayaa la filayaa inay soo dhisto dowlad maanta iyadoo wajaheysa cadaadis gudaha iyo kan caalamiga ah si ay ugu maamusho Afgaanistaan ​.

Ku dhawaaqista maamul cusub ayaa lagu wadaa inay dhacdo salaada jimcaha kadib xiliga dalka Afghanistan sida ay ilo Talibani ah u sheegeen wakaaladda wararka ee AFP.

Qaramada Midoobay ayaa sheegtay inay dib u bilowday duulimaadyadii bani’aadamnimada ee ku wajahnaa qeybo ka mid ah dalka, iyadoo isku xirtay caasimadda Pakistan ee Islamabad iyo Mazar-i-Sharif ee waqooyiga Afghanistan iyo Kandahar ee koonfurta.

Tobanaan kun oo reer Afgaanistaan ​​ah ayaa gudaha ku barakacay rabshadihii ugu dambeeyay. Illaa nus malyuun kale ayaa sidoo kale lagu qiyaasay inay qaxooti ku yihiin dalalka deriska ah sida Pakistan iyo Iran.

Gegida dayuuradaha ee ugu weyn dalka ee Kabul ayaa weli xiran laakiin waxaa la filayaa inuu dib u furmo maalmo iyadoo la kaashanayo khubaro farsamo oo ka socota Qatar.