Wasiirkii hore Arrimaha Dibadda oo geeriyooday

Allaha u naxariistii waxaa maanta magaalada Muqdisho ku geeriyooday Xildhibaan C/llaahi Sheekh Ismaaciil oo soo noqday Ra’iisul Wasaare Kuxigeen, Wasiirkii hore ee Arrimaha dibadda iyo Safiir.

C/llaahi Sheekh Ismaaciil ayaa muddooyinkii u dambeeyay xanuunsanaa, waxaa geeridisa ka tacsiyadeeyay Madaxda dowladda Federaalka.

Xilligii Dowladii KMG ayuu soo noqday Wasiir,  dhowr jeer waxaa uu noqday Xildhibaan Federaal ah.

Allaha u Naxariistee C/llaahi Sheekh Ismaaciil ayaa sanadihii sideetameeyadii soo noqday Safiir dalalka Ruushka iyo Giriiga.