Dawlada Soomaaliya oo xaqiijisay inay u dirtey $12.7 milyan Maamulka Somaliland

April 06 (Jowhar.com)- Dawladda Soomaaliya ayaa sheegtay inay maanta guddiga gurmadka suuqa Waaheen ee magaalada Hargeysa u dirtay lacag gaareysa 12 milyan iyo 700 kun oo dollar.

Ra’iisul Wasaare ku-xigeenka xukuumadda Soomaaliya Mahdi Maxamed Guuleed ayaa bartiisa ku shaaciyay in lacagtaa la direy.

Waxa ay lacagtan ka kooban tahay 11 milyan iyo 700 kun oo ah lacag loogu talo-galay barnaamijyada horumairnta Somaliland iyo 1 milyan oo dollar oo ay bixisay dowladda federaalka.

Madaxwenaha Somaliand Muuse Biixi Cabdi ayaa isaguna maanta jeediyey baaq caalami ah oo ku codsanayo lacag dhan 2 bilyan oo dollar oo lagu gargaaro 5 kun oo ah goobo ganacsi oo yaryar, kuwo dhexe iyo kuwo waaweyn oo uu saameeyey dabkii baabi’iyey suuqa Waaheen.