Qaadooyinka oo noqday astaan cusub oo ah iska caabinta reer Falastiin
Qaadooyin ayaa lagu xardhay calan dhaqameedyo iyo calammo astaan u ah iska -caabbinta reer Falastiin kadib markii lix maxbuus ay ku soo baxsadeen god ay qoteen iyagoo isticmaalaya qaadooyin iyo maacuun kale.
Markii lixda maxbuus ee u xirnaa arrimo la xiriira siyaasada ee Falastiin ay ka baxsadeen 6-dii Sebtember xabsiga aadka loo ilaaliyo ee Gilboa, shabakadaha bulshada ayaa wadaagay sawirrada godka ay ku qoteen qaadooyinka balse ugu dambeyntii maxaabiista dib ayaa loo xirey.
Sida laga soo xigtay qareenkiisa, mid ka mid ah Falastiiniyiinta dib loo xiray, Mahmoud Abdullah al-Ardah, ayaa sheegay in uu isticmaalay qaadooyin, taargooyin, iyo xitaa makiinada wax lagu kariyo si uu u qodo godka qolkiisa.
Tulkarem, oo ah magaalo ku taal Daanta Galbeed ee ay Israel haysato, baxsashadu waxay dib u soo celisay xusuusta Ghassan Mahdawi. Isaga iyo maxbuus kale ayaa ka baxsaday xabsi ku yaal Israel 1996 iyada oo loo marayo god la qoday iyada oo la isticmaalay ciddiyaha.
“Si aad uga baxsato xabsi ku yaal Israa’iil waa wax uu maxbuus walba ka fikirayo,” ayuu yiri Mahdawi. In lagu sameeyo qaaddo, ayuu raaciyay, waa wax “taariikhda geli doona”.
Lixda maxbuus ee baxsatay balse dib loo soo qabtay ayaa afar kamid ah waxa ay ku xukunaayeen madaxaa ha ku furto halka labada kalana ay ahaayeen xukun sugayaal.
