Qarax Ismiidaamin ah oo ka dhacay Muqdisho iyo Wararkii u dambeeyay
Qarax ismiidaamin ah oo ahaa qof waxyaabaha qarxa soo xirtay ayaa isku qarxiyay Saldhigga Booliska degmada Waaberi oo ku yaalla wadada Maka Al Mukarama.
Sida wararku sheegayaan qaraxa ayaa sababay dhimasho iyo dhaawac, iyadoo saldhigga la weeraray uu ku yaallo wadada muhiimka ah ee maka almukarama.
Allaha u naxariistee Taliyaha Saldhigga Waaberi Axmed C/llaahi Baashane Calooley ayaa la sheegay inuu ku dhintay qaraxa.
Sidoo kale askar kale ayaa la sheegayaa in dhimasho iyo dhaawac ku noqdeen qaraxa.
La soco wixii warar ee ku soo kordha.