Bangiga Adduunka oo 150 Maliyan oo dollar ku bixinaya soo kabashada Korontada Soomaaliya
Bangiga Adduunka ayaa qorsheynaya inuu ku bixiyo malaayiin dollar Mashruuca Soo-kabashada Korontada Soomaaliya taasoo ay ku heli doonaan koronto nadiif ah oo jaban 1.1 milyan qoys, ama ku dhawaad 7 milyan oo qof, kuwaas oo 3.5 milyan ay yihiin haween.
Qoraal ka soo baxay Bangiga Adduunka ayaa lagu sheegay in mashruucu uu higsanayaa in dib loo yagleelo sahay koronto oo xasilloon iyo in la taageero is-dhexgalka gobolka.
“Dad gaaraya 15 milyan oo qof, 9 milyan oo Soomaali ah ayaa ka maqan adeeg koronto, iyadoo qiimaha korontadu uu yahay midka ugu sarreeya adduunka. Intaa waxaa dheer, ku dhawaad sagaal ka mid ah tobankii qoys ee Soomaalida ah waxaa ka maqan ugu yaraan hal dhinac oo faqri ah lacag, tamar, waxbarasho, ama biyo iyo fayadhowr”
“Saamaynta isbiirsaday ee masiibada COVID-19, daadad ba’an, abaaro, iyo calafka saxaraha ayaa sii wiiqaya soo kabashada dhaqaalaha iyo dadaallada lagu dhimayo faqriga.”ayaa lagu yiri qoraalka ka soo baxay Baniga Adduunka.
“Helitaanka koronto jaban ayaa muhiim u ah dhimista faqriga, maadaama ay gacan ka geysaneyso kordhinta dakhliga qoyska, hagaajinta jawiga ganacsiga, iyo abuurista shaqooyin,” ayay tiri Kristina Svensson, Maamulaha Bangiga Adduunka ee Soomaaliya.
“Mashruucani waxa uu dhamaystirayaa oo ka faa’iidaysanayaa barnaamijyada ay wadaan kooxda Bangiga Adduunka iyo kuwa saaxiibada caalamiga ah ee Soomaaliya iyada oo kor loo qaadayo maalgashiga si loo horumariyo adeeg bixinta.”
Helitaanka korontadu sidoo kale waa shardi u ah bixinta adeegyo caafimaad iyo waxbarasho oo ku filan, iyo si wax looga qabto cudurka faafa ee COVID-19 iyo naxdin mustaqbalka.
Mashruucan ayaa lagu wadaa in lagu kordhiyo adeegyada caafimaadka iyo waxbarashada iyadoo la gaarsiinayo koronto la gaarsiinayo 205 xarumo caafimaad iyo 380 dugsi.
90% korontada Soomaaliya waxaa lagu bixiyaa koronto yar-yar oo naafto ku saleysan oo ay ku shaqeeyaan bixiyeyaasha adeegga tamarta ee gaarka loo leeyahay.
Soomaaliya waxa ay sidoo kale leedahay awood la taaban karo oo ah in tamarta la cusboonaysiin karo ay u isticmaasho korontadda, gaar ahaan tamarta cadceedda iyo dabaysha, sida lagu sheegay qiimeynno badan oo uu sameeyay Bankiga Adduunka.
Dowladda Federaalka ah ee Soomaaliya (XFS), iyada oo xubin firfircoon ka ah Hindisaha Geeska Afrika (HoAI), waxa ay sidoo kale ka faa’ideysan kartaa fursadaha ay bixiso is-dhexgalka gobolka si ay uga gudubto taaba gelinta kaabayaasha laf dhabarta iyo helitaanka koronto kala duwan iyo mid jaban. sahayda ka timaadda deriska gobolka.
Ururka Horumarinta Caalamiga ah ee Baanka Adduunka (IDA), oo la aasaasay 1960, wuxuu caawiyaa waddamada ugu saboolsan adduunka isagoo bixiya deeqo iyo deyn aan dulsaar lahayn oo hooseeya oo loogu talagalay mashaariicda iyo barnaamijyada kor u qaadaya kobaca dhaqaalaha, yareynta faqriga, iyo hagaajinta nolosha dadka saboolka ah.
IDA waa mid ka mid ah ilaha ugu weyn ee gargaarka 74-ka waddan ee adduunka ugu saboolsan, 39 ka mid ah waxay ku yaalaan Afrika.
Kheyraadka laga helo IDA ayaa isbedel wanaagsan u keenaya 1.3 bilyan oo qof oo ku nool wadamada.
Laga soo bilaabo 1960kii, IDA waxa ay 114 wadan siisay $458 bilyan. Ballanqaadyada sannadlaha ah ayaa celcelis ahaan ahaa $29 bilyan saddexdii sano ee la soo dhaafay.
