Laamaha amaanka oo kulan deg deg ah ka yeeshay amaanka magaalada Muqdisho
Apr. 24 (Jowhar.com) Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale).
Wasiir Dowlaha Wasaarada Amniga Gudaha Mudane Maxamed Cali Xagaay, Taliyaha Ciidanka Boliiska Soomaaliyeed General Sulub Axmad Firiin iyo Taliyaha Ciidanka Nabad Sugida iyo Sirdoonka Qaranka Mudane Mahad Maxamed Salaad ayaa kulan gaar ah caawa ku yeeshay magaalada Muqdisho.
kulanka oo dardaaran iyo bogaadin ku saabsanaa oo la xiriirta xoojinta Amniga Caasimadda ayey la qaateen Maamulada Degmooyinka Gobolka Banaadir Iyo saraakiisha Laamaha Amniga.
Kulankan oo ka dhacay xarunta Aqalka Dowladda Hoose ee Xamar ayaa waxaa goob joog ka ahaa Guddoomiye ku-xigeenada Maamulka Gobolka Banaadir iyo Xog’hayaha guud ee Maamulka Gobolka.
Waxaana madaxda iyo Saraakiisha kulankan ka hadashay ay si wadajir u amaaneen hey’addaha Amniga iyo Maamulada Degmooyinka sidii wanaagsaneyd oo ay Amniga Caasimadda u maareeyeen bishii barakeysneyd ee Ramadaan.
