Jul 08 (Jowhar) Ugu yaraan 11 qof ayaa lagu dilay dibadbaxyada dowladda looga soo horjeeday ee ka dhacay Kenya, waxaana la xiray 567 qof, sida ay booliisku sheegeen.
Booliiska ayaa rasaas ku furay dibadbaxayaasha, Dr Aron Sikuku oo ah dhakhtar ka howlgala Eagle Nursing Home oo ku yaalla duleedka magaalada Nairobi uu BBC-da u sheegay meydadka labo qof oo u dhintay dhaawac ka soo gaaray rasaasta la keenay xarunta.
Waxaa la sheegay in sidoo kale 52 askari oo booliis ah iyo 11 qof oo rayid ah la dhaawacay.l intii dibadbaxyada ay socdeen.
Afhayeenka booliska Kenya Muchiri Nyaga ayaa soo bandhiggay khasaaraha banaanbaxa Kenya isagoo yiri “11 qof ayaa geeriyootay, 63 waa dhaawac oo 52 askar tahay, 11-na shacab, 567 qofna xabsiga ayaa la dhigay”
Dibadbaxyadan ayaa ka dhashay kadib markii dowladda Kenya ay soo bandhigtay miisaaniyad cusub oo la doonayo in canshuuraha lagu kordhiyo, taasoo dhalisay caro iyo mudaharaad ballaaran oo ay sameeyeen dadweynaha ka soo horjeeda xeerkaasi. Dadka banaanbaxa dhigayay ayaa ku eedeeyay dowladda in canshuuraha cusub ay saameyn daran ku yeelan doonaan noloshooda, gaar ahaan dadka danyarta ah.
Wararka ayaa sheegaya in dibadbaxayaasha qaarkood ay isku dayeen inay gudaha u galaan xarunta baarlamaanka, taasoo keentay in booliisku adeegsadaan rasaas nool, sunta dadka ilmada ka keenta iyo biyo kulul si ay u kala eryaan. Sawirro iyo muuqaallo laga helay magaalada Nairobi iyo magaalooyin kale ayaa muujinaya rabshado iyo burbur hantiyeed oo dhacay.
Madaxda mucaaradka ayaa cambaareeyay tallaabada xoogga ah ee booliisku u adeegsadeen dibadbaxayaasha, waxayna ku baaqeen in la joojiyo xadgudubyada ka dhanka ah muwaadiniinta. Waxaa sidoo kale jira baaqyo caalami ah oo loo jeediyay dowladda Kenya, kuwaasoo dalbanaya in si degdeg ah loo xalliyo xiisadda lagana fogaado dhiig daata.
Dowladda Kenya weli kama aysan hadlin dalabaadka dibadbaxayaasha, balse ra’iisul wasaaraha ayaa horey ugu baaqay shacabka in ay xasillooni muujiyaan, isagoo ballan qaaday in codkooda la dhegeysan doono. Si kastaba ha ahaatee, xaaladda ayaa weli kacsan iyadoo dad badan ay ka cabsi qabaan in rabshaduhu sii socdaan haddii xal
