May 17 (Jowhar) Gaari NOAH ah ayaa qarax lagu soo xiray kaasoo uu lahaa mid kamid ah ganacsatada qaadka magaalada Baraawe waxana gaariga uu qarxay markii uu gaaray Parking-ka Garoonka Diyaaradaha degmada.
Inta la xaqiijiyey waxaa dhintay 2 ruux halka 4 qofna ay dhaawac yihiin sida aan kasoo xiganay saraakiisha ka howl gala gudaha garoonka diyaaradaha Baraawe.
Wararka ayaa intaasi kusii daraya in dhaawacyada la geeyay isbitaalka guud ee magaalada, halkaasoo xaaladooda caafimaad lagu baxnaaniyo.
Ciidamadda amaanka oo xirtay goobta qaraxa ayaa wado howlgalo baaritaana ah, waxeyna dadka u diideen iney u dhawaadaan garoonka.
Ilaa iyo hadda lama oga cida dhab ahaantii ka dambeysay qaraxan, balse ururka Al-Shabaab ayaa horey uga fuliyey weeraro noocan oo kale ah gudaha magaalada Baraawe iyo deegaanno kale oo ka tirsan gobolka Shabeelaha Hoose.
Saraakiisha ammaanka ayaa sheegay in baaritaanada ay socdaan, islamarkaana la baadigoobayo cidii ka dambeysay qaraxaasi. Waxaa sidoo kale la sheegay in gaariga qarxay uu ka mid ahaa gaadiidka si joogto ah u shaqeeya garoonka, taasoo keentay in si gaar ah loo baaro dhammaan gaadiidka kale ee isticmaala garoonka diyaaradaha.
Mas’uuliyiinta degmada Baraawe ayaa cambaareeyay falkaasi, waxayna sheegeen inuu dhaawac weyn u geystay shacabka iyo ganacsatada magaalada. Waxay shacabka ugu baaqeen in ay la shaqeeyaan laamaha amniga, ayna feejignaadaan si looga hortago falalka amni darrada ah.
Dhinaca kale, dad goobjoogayaal ah ayaa sheegay in qaraxa uu gilgilay meel weyn oo ka mid ah agagaarka garoonka, isla markaana ay maqleen jugta qaraxa xilli ay dad badan ku sugnaayeen aaggaas. Waxaa sidoo kale la arkayay ciidamo dheeraad ah oo la geeyay garoonka si loo adkeeyo ammaanka.
Illaa hadda lama sheegin cid loo qabtay qaraxan, balse ciidamada ammaanka ayaa ballan qaaday in ay sii wadi doonaan baaritaanada ilaa gacanta lagu soo dhigo dadka ka dambeeyay falkaasi.
Waxaa la filayaa in faahfaahin dheeri ah laga bixiyo qaraxa iyo khasaarihii uu geestay saacadaha soo socda, iyadoo warbaahinta maxalliga ah iyo tan caalam
