May 13 (Jowhar)-Madaxweynaha Mareykanka Donald Trump ayaa difaacay qorshihiisa uu hadiyad ahaan ugu aqbali doono diyaarad cusub oo Air Force One ah, kaddib markii ay soo baxeen warar sheegaya inuu Qatar ka heli doono diyaarad Boeing oo nooca raaxada ah, inkastoo sharciyo adag lagu soo rogay hadiyadaha madaxweynayaasha Mareykanka.
ABC News oo markii hore warkan baahisay ayaa ku tilmaantay diyaaradda “qasri duulaysa”, waxaanay tilmaantay in diyaaradda Boeing 747-8 jumbo jet oo ay hadyad u siiyeen qoyska boqortooyada Qatar ay noqon karto haddiyaddii ugu qaalisanayd ee abid ay hesho dawladda Maraykanka.
Muranka ka dhashay jet-iyo sheegashada Mr. Trump ee ah in ay ku imanayso “lacag la’aan” -ayaa dhaliyay su’aalo ku saabsan iskahorimaadyada danta ee suurtagalka ah ee ku lug leh ganacsiyada qoyskiisa iyo isticmaalka xafiiska dadweynaha.
Qoraal uu soo dhigay baraha bulshada goor dambe oo shalay ah, oo aan Qatar ku soo hadal qaadin, ayuu Mr. Trump ku caddeeyay in diyaaradda ay tahay “hadiyad” ku meel gaar ah oo loogu talagalay Wasaaradda Difaaca, isla markaana ay beddeli doonto nooc jira oo afar iyo toban sano jir ah.
Qatar waxa ay si degdeg ah isku dayday in ay yarayso fal-dambiyeedka, iyada oo sheegtay in wararka ku saabsan diyaaradaasi haddiyad ahaan “wax aan sax ahayn”.
Aqbalaada hadiyaddu waxay keenaysaa su’aalo anshax iyo sharci ah
“Suurtogal ah in lagu wareejiyo diyaarad si ku meel gaar ah loogu isticmaalo sidii Air Force One, waxaa hadda tixgelinaya Wasaaradda Difaaca Qatar iyo Waaxda Difaaca Mareykanka,” ayuu yiri Ali Al-Ansari, u qeybsanaha warbaahinta Qatar ee Washington, isagoo ku nuux-nuuxsaday inaan wax go’aan ah la gaarin.
Dastuurka Maraykanku waxa uu ka mamnuucayaa saraakiisha dawladda in ay qaataan hadiyadaha “Boqor, Amiir ama Dawlad shisheeye”
Si kastaba ha ahaatee, Mr. Trump ayaa laga yaabaa in uu sharciga baal maro isaga oo diyaaradda ugu deeqay maktabadiisa madaxtooyada ka dib marka uu xafiiska ka tago.
Qorshahan ayaa la filayaa in lagu dhawaaqo inta uu Mr. Trump booqanayo saddex waddan oo Bariga Dhexe ku yaalla toddobaadkan, oo ay ku jirto Qatar, sida ay sheegayaan warbixinnada ABC iyo New York Times.
Aqbalaadda hadiyaddan waxay dhalisay walaacyo anshaxeed oo ka dhan ah dhinacyada siyaasadda, taasoo soo jeedinaysa inay ka hor imanayso sharciyada loo dejiyay in lagu xakameeyo musuqmaasuqa dawladda.
Si kastaba ha ahaatee, ilo wareedyo ayaa u sheegay ABC in Aqalka Cad iyo Waaxda Caddaaladdu ay u arkaan hadiyadda mid sharci ah oo aan ahayn laaluush maadaama aan lagu beddelin wax raalli ah ama ficil gaar ah.
Waxay sidoo kale ku doodayaan inaysan ahayn mid dastuuri ah sababtoo ah marka hore waxaa loo wareejin doonaa Ciidanka Cirka ee Mareykanka ka hor inta aysan ugu dambeyntii tagin maktabadda madaxtooyada, sidaas darteed weligeed lama siin shaqsi.
Diyaarada Air Force One waxay ka kooban tahay laba diyaaradood oo Boeing 747-200B oo taxane ah oo aad loo habeeyey.
